14 தமிழ்ச் சான்றோர் நூல்கள் நாட்டுடமை

தமிழ்ச் சான்றோர் 14 பேரின் நூல்கள் நாட்டுடமையாக்கப்பட்டுள்ளன. அவர்களின் குடும்பங்களுக்கு தலா ரூ. 6 லட்சம் பரிவுத்தொகை வழங்கப்படும் என முதல்வர் கருணாநிதி அறிவித்துள்ளார்.

இதுகுறித்து தமிழக அரசு இன்று வெளியிட்ட அறிக்கை:

தமிழுக்கு பெருந்தொண்டாற்றி சிறப்புமிக்க நூல்களை படைத்துள்ள தமிழ்ச் சான்றோர்களின் நினைவை போற்றும் வகையிலும் அவர்களின் படைப்புகள் பெருமளவில் மக்களை சென்றடையும் நோக்கிலும் அவர்களின் நூல்கள் நாட்டுடமையாக்கப்பட்டு, அவர்களது மரபுரிமையினருக்கு பரிவுத் தொகைகள் அரசால் அளிக்கப்பட்டு வருகின்றன.

அந்த வகையில்

மாயூரம் வேதநாயகம் பிள்ளை,

சக்தி வை.கோவிந்தன்,

தெ.பொ.மீனாட்சி சுந்தரனார்,

தா.நா.குமாரசாமி,

கா.சு.பிள்ளை,

புலவர் குலாம் காதிறு நாவலர்,

வை.சதாசிவப் பண்டாரத்தார்,

டாக்டர் சி. இலக்குவனார்,

மகாவித்வான் தண்டபாணி தேசிகர்,

தி.ஜ.ரங்கநாதன்,

நாரண துரைக்கண்ணன்,

டாக்டர்கள் மா.ராசமாணிக்கனார்,

வ.சு.ப.மாணிக்கம்,

புலவர் கா.கோவிந்தன்

14 தமிழ்ச் சான்றோர்களின் நூல்களை அரசுடைமையாக்கப்படுகிறது.

அவர்கள் ஒவ்வொருவர் குடும்பத்தாருக்கும் தலா 6 லட்சம் ரூபாய் வீதம் பரிவுத் தொகை வழங்கிட அனுமதித்து முதல்வர் கருணாநிதி இன்று அறிவித்துள்ளார்.

இவ்வாறு அதில் கூறப்பட்டுள்ளது.