இடபங்கீடும் சர்வே நிறுவனங்களும் - பகுதி - 1

One out of six Indians are born into the country's "Untouchable" caste. (Source :http://news.nationalgeographic.com)



சமூக நீதியை நிலைநிறுத்துவதற்காக தலித்துகளுக்கும் பழங்குடியினருக்கும் பிற்படுத்தப்பட்ட சமூகத்தினருக்கும் இட ஒதுக்கீடு அறிவிக்கப்பட்ட நாளில் இருந்தே, அதை இல்லாமல் செய்வதற்கான சதித்திட்டங்கள் ஆதிக்க சக்திகளால் நடத்தப்படுகின்றன. நாட்டையே நிர்வகிக்கும் உயர் அதிகார மையங்களின் நிழலில் அந்த சக்திகள் தஞ்சம் புகுந்து, இதை செய்கின்றன.


இதில் லேட்டஸ்டாக கிளம்பியிருக்கும் விவகாரம் ஒரு கருத்துக் கணிப்பு. இந்த கருத்துக் கணிப்பு முடிவு வெளியான நேரம்தான் முக்கியமானது. பிற்படுத்தப்பட்ட மாணவர்களுக்கு உயர் கல்வி நிறுவனங்களில் 27 சதவிகித இட ஒதுக்கீட்டை மத்திய அரசு அமல் செய்திருக்கிறது.

இது தொடர்பாக அரசிடம் உச்ச நீதிமன்றம் சில விளக்கங்கள் கேட்டிருக்கிறது.

. 27 சதவிகிதம் என்ற எண்ணிக்கையை எப்படி முடிவு செய்தீர்கள்? யார் யார் பிற்படுத்தப்பட்டவர்கள் என்பதை எப்படி முடிவு செய்வீர்கள்? எப்படி அமல்படுத்துவீர்கள்? என்பவை நீதிமன்றம் எழுப்பிய கேள்விகள்.


இந்தியாவில் பிற்படுத்தப்பட்டோர் 52 சதவிகிதம் இருப்பதாக ஏற்கனவே மண்டல் கமிஷன் தெரிவித்துள்ளது.

இந்நிலையில் நவம்பர் முதல் தேதி தேசிய மாதிரி கணக்கெடுப்பு நிறுவனம் ஓர் அறிக்கை வெளியிட்டது. எங்கள் கணக்கெடுப்பின்படி இந்தியாவில் பிற்படுத்தப்பட்டவர்களின் எண்ணிக்கை 41 சதவிகிதம்தான் என்று அறிவித்தது இந்த நிறுவனம்.


இந்தியாவின் வேலைவாய்ப்பு நிலை பற்றி ஒவ்வோர் ஆண்டும் மாதிரி கணக்கெடுப்பு நடத்துகிறது இந்த நிறுவனம். ஜூலை 2004 முதல் ஜூன் 2005 வரையிலான காலத்துக்கு எடுக்கப்பட்ட 61வது சுற்று கணக்கெடுப்பு முடிவுகளை வெளியிடும்போது இதைச் சொல்லியிருக்கிறது இந்த நிறுவனம். 7,999 கிராமங்கள், 4,602 நகரப்பகுதிகளில் 1 லட்சத்து 24 ஆயிரத்து 680 வீடுகளில் எடுக்கப்பட்ட மாதிரி கணக்கெடுப்பு இது.

ஒரு மாதிரி கணக்கெடுப்பு எப்படி மக்கள்தொகை அளவை பிரதிபலிக்க முடியும்? என்று சமூக நீதி அமைச்சகம் கேள்வி எழுப்பி இருக்கிறது.

ஆனால், அங்கீகரிக்கப்பட்ட அறிவியல்ரீதியான முறையில்தான் நாங்கள் கணக்கெடுப்பு நடத்தினோம். நாங்கள் தரும் பெரும்பாலான புள்ளிவிவரங்கள், மக்கள்தொகை கணக்கெடுப்போடு ஒத்துப் போயிருக்கின்றன என்றார் இந்த அமைப்பின் உயர் அதிகாரி ஒருவர்.

நன்றி: தினகரன்