சீனா செய்வது சரியா? தவறா?

விண்வெளியில் சுற்றும் செயற்கைக்கோளை ஏவுகணை மூலம் தகர்க்கும் அபாயகரமான சோதனையை சீனா ரகசியமாக நடத்தியது. இதற்கு அமெரிக்கா, இங்கிலாந்து உட்பட உலக நாடுகள் அதிர்ச்சியையும் கண்டனத்தையும் தெரிவித்து உள்ளன.


விண்வெளியில் ஆக்கப்பணிகளுக்காக விடப்படும் செயற்கைக்கோள்களை அழிக்கும் திறன் அமெரிக்காவிடமும், முன்னாள் சோவியத் யூனியனிடமும் தான் இருந்தது. கடைசியாக 20 ஆண்டுகளுக்கு முன்பு இந்த சோதனை வெற்றிகரமாக நடத்தப்பட்டது. அதன்பிறகு எந்த நாடும் இந்த சோதனையில் ஈடுபடவில்லை. தற்போது சீனா இந்த சோதனையை ரகசியமாக நடத்தி உள்ளது.


வானிலை ஆய்வுக்காக விண்வெளியில் சீனா அனுப்பிய ஒரு செயற்கைக்கோள் செயல்பாடு குறைந்துவிட்டது. பழமையான இந்த செயற்கைக்கோளை தாக்கி அழிப்பதற்காக கடந்த 11ம் தேதி சீனா நவீன தொழில்நுட்பத்துடன் கூடிய நடுத்தர அணு ஏவுகணை ஒன்றை அனுப்பியது. இந்த ஏவுகணையில் வைக்கப்பட்டு இருந்து ஒரு சாதனம் 860 கி.மீ. உயரத்தில் பூமியை சுற்றிக் கொண்டிருந்த செயற்கைக்கோளை நேரடியாகத் தாக்கியது. இதில் செயற்கைக்கோள் தகர்ந்தது.


சீனா ரகசியமாக நடத்திய இந்த சோதனையை அமெரிக்காவின் உளவுத் துறை கண்டுபிடித்து வெளியிட்டு உள்ளது.