அடியாத மாடு படியாதா??!!

மாணவர்களை தண்டிக்க தடை: தமிழக அரசு அறிவிப்பு

சில பள்ளிகளில் மாணவர் களுக்குக் கடுமையான தண்டனைகள் வழங்கப் படுவதாகப் பெற்றோர், பொதுமக்கள், தொண்டு நிறுவனங்கள் ஆகியவைகள் மூலம் அரசுக்கு புகார்கள் வந்துள்ளன. ஊடகங்களிலும் இத்தகைய சம்பவங்கள் எடுத்துரைக்கப்படுகின்றன.

இத்தகைய தண்டனைகள் காரணமாக உணர்ச்சிவயப் படும் மாணவ-மாணவிகளில் சிலர் தற்கொலை செய்து கொள்ளும் அளவுக்கு வந்து விடுகின்றனர்.

இத்தகைய போக்குகள் முதல்-அமைச்சர் கருணாநிதி கவனத்திற்கு வந்ததைத் தொடர்ந்தும், பள்ளிக்கல்வித்துறையின் ஓய்வு பெற்ற முன்னாள் இயக்குனர் முத்துகிருஷ்ணன் தலைவராகவும், பத்ம சேஷாத்திரி குழும கல்வி நிறுவனங்களின் இயக்குனர் ஒய்.ஜி.பார்த்தசாரதியை துணைத்தலைவராகவும் கொண்ட உயர்நிலைக்குழு வழங்கியுள்ள பரிந்துரைகளின் அடிப்படையிலும், பள்ளி களில் முறை கேடாக நடக்கும் மாணவ- மாணவிகளுக்கு தண்டனை வழங்க வகை செய்திடும் தமிழ்நாடு கல்வி விதிகளில் உள்ள பிரிவு 51 என்பது நீக்கப்படுகிறது என அரசு அறிவிக்கிறது.