அமெரிக்க அதிபர் ஹிலாரி கிளிண்டன் ?!

அமெரிக்க அதிபர் தேர்தல் அடுத்த ஆண்டு (2008) நவம்பர் மாதம் நடக்க இருக்கிறது.





இந்த தேர்தலில் ஹிலாரி கிளிண்டன் ஜனநாயக கட்சி சார்பில் போட்டியிடப் போவதாக அறிவித்து இருக்கிறார். 59 வயதான ஹிலாரி இப்போது நியுயார்க் சென்ட்ராக இருக்கிறார்.

பார்க்க " வலைதளம்...."

அதிபர் தேர்தலில் ஜனநாயக கட்சி வேட்பாளராக முடிவு செய்துள்ள ஹிலாரி பிரசாரத்தையும் தொடங்கி விட்டார். கட்சி அளவில் பல்வேறு கட்டங்களில் தேர்தல் நடத்த பிறகே முறைப்படி அதிகாரபூர்வ வேட்பாளர் யார் என்பதை கட்சி மேலிடம் அறிவிக்கும்.



ஜனநாயக கட்சி சார்பில் இல்லினாயிஸ் (நான் இருக்கும் மாகானம்) செனட்டர் பராக் ஒபாமா ( பார்க்க " வலைதளம்...." ) என்பவரும் அதிபர் வேட்பாளராக போட்டியிட முடிவு செய்திருக்கிறார். இவர் கறுப்பர் இனத்தைச் சேர்ந்தவர். இவரை இன்னொரு மார்டின் லூதர் அரசர் என மக்கள் புகழாரம் செய்கின்றனர்.


இது தவிர ஜான் எட்வர்ட்ஸ், கவர்னர் டாம்வில்சாக், அலாங்கா கவர்னர் மைக் கிராவல், ஜோ பிடன், டென் னிஸ் குசினிச், கிறிஸ்டாப் ஆகியோர் பெயர்களும் அடி படுகின்றன.

இதுபற்றி அங்குள்ள ஒரு நிறுவனம் ஒரு கருத்து கணிப்பு நடத்தியது.

இதில் ஜனநாயக கட்சி சார்பில் ஹிலாரி கிளிண்டன்தான் அதிபர் பதவிக்கு வேட்பாளராக முறைப்படி அறிவிக்கப்படுவார் என்று தகவல்கள் தெரிவிக்கின்றன. அவருக்கு கட்சியில் 41 சதவீத ஆதரவு உள்ளது.

அதிபர் தேர்தலிலும் ஹிலாரிதான் அமோக வெற்றி பெறுவார் என்றும் கருத்துக்கணிப்புகள் கூறுகின்றன.

பராக் ஒபமாவுக்கு 17 சதவீத ஆதரவே உள்ளது.

55 வயதுக்கு மேற்பட்ட பெண்களிடம் நடத்தப்பட்ட கருத்துக்கணிப்பில் 60 சத வீதம் பேர் ஹிலாரியை ஆதரிக்கிறார்கள்.

ஆளும் குடியரசு கட்சியில் அதிபர் தேர்தல் வேட்பாளராக கன்சாஸ் செனட்டர் சாம் புபன்பாக், ஜிம்கில்மோர், மேயர் ரூடி குலியானி, ஜான் மெக்கேன் ஆகியோர் பெயர்கள் அடிபடுகின்றன.