ஷெனாய் இசை மேதை "பாரதரத்னா" பிஸ்மில்லாகான் மரணம்

உலக புகழ்பெற்ற ஷெனாய் இசை மேதை "பாரதரத்னா" உஸ்தாத் பிஸ்மில்லாகான் இன்று (21-08-06) அதிகாலை மாரடைப்பால் மருத்துவமனையில் காலமானார். அவருக்கு வயது 91.

பிஸ்மில்லாகான் 1916ம் ஆண்டு மார்ச் 21ந் தேதி அரண்மனை இசை கலைஞர்கள் குடும்பத்தில் பிறந்தார். வாரணாசி விஸ்வநாதர் கோயிலில் ஷெனாய் இசை கலைஞராக இருந்த அவருடைய மாமா அலிபக்ஸ் விலை யாட்டுவிடம் பிஸ்மில்லாகான் ஷெனாய் இசைக்கருவி வாசிக்க பயிற்சி பெற்றார்.

அவர் தனது வாழ்நாளில் உலக நாடுகள் பலவற்றுக்கும் சென்று தனது இசைத்திறமையால் மக்களை மகிழ்வித்தார். இந்தியாவின் உயரிய விருதான "பாரதரத்னா' விருது 2001ல் அவருக்கு வழங்கப் பட்டது. இது தவிர, பத்மவிபூஷண், சங்கீத நாடக அகாடமி விருது, தான்சேன் விருது போன்ற பல்வேறு விருதுகளையும் அவர் பெற்றுள்ளார்.

எளிமையாக வாழ்ந்த பிஸ்மில்லா கான் எங்கு சென்றாலும் சைக்கிள் ரிக்ஷாவில்தான் செல்வதை வழக்க மாக கொண்டிருந்தார். மறைந்த பிஸ்மில்லாகானுக்கு 5 மகன்களும், 3 மகள்களும் இருக்கிறார்கள்.

பிஸ்மில்லாகான் மறைவை யொட்டி இன்று ஒருநாள் தேசிய துக்க தினமாக மத்திய அரசு அறிவித்துள்ளது.