அனைத்து ஜாதியினரும் அர்ச்சகர் ஆகும் சட்டத்துக்கு தடை

தமிழ்நாட்டில் அனைத்து ஜாதியினரும் கோவில்களில் அர்ச்சகர்களாக நியமிக்கப்பட வேண்டும். இதில் ஜாதி பாகுபாடு காட்டக்கூடாது என்ற கோரிக்கை எழுந்தது. இதை தொடர்ந்து அனைத்து ஜாதியை சேர்ந்தவர்களும் அர்ச்சகர்களாக நியமிக்க வகை செய்யும் அவசர சட்டம் கொண்டு வரப்பட்டது.

கடந்த சில நாட்களுக்கு முன்பு இது தொடர்பாக சட்டசபையில் மசோதா தாக்கல் செய்யப்பட்டது. தமிழ்நாடு இந்து சமய அறநிலையத்துறை சட்டம் 1959-ல் திருத்தம் கொண்டு வர இந்த மசோதா வகை செய்கிறது.

இந்த அவசர சட்டத்தை எதிர்த்து சுப்ரீம் கோர்ட்டில் வழக்கு தொடரப்பட்டது.

மதுரை மற்றும் திருச்சியை சேர்ந்த ஆதி சைவ சிவாச்சாரியார்கள் நல சங்க உறுப்பினர்கள் சார்பில் இந்த வழக்கு தொடரப்பட்டது. இந்த வழக்கை சுப்ரீம் கோர்ட்டு தலைமை நீதிபதி சபர்வால் தலைமையிலான டிவிஷன் பெஞ்ச் விசாரித்தது.

வழக்கை விசாரித்த சுப்ரீம் கோர்ட்டு அனைத்து ஜாதி யினரும் கோவில் அர்ச்சகர்கள் ஆகும் சட்டத்துக்கு இடைக்கால தடை விதித்தது.

இது தொடர்பாக தமிழக அரசுக்கு நோட்டீஸ் அனுப்பவும் சுப்ரீம் கோர்ட்டு உத்தரவிட்டது

நன்றி: The Hindu, மாலைமலர்.
http://www.hindu.com/thehindu/holnus/000200608141201.htm