ஜீவ் மில்கா சிங் (JEEV MILKHA SINGH)- வாழ்த்துகள்!!

ஸ்பெயினில் நடந்த ‘வோல்வோ மாஸ்டர்ஸ்’ ஐரோப்பிய கோல்ப் சாம்பியன்ஷிப் போட்டியில், இந்திய வீரர் ஜீவ் மில்கா சிங் சாம்பியன் பட்டம் வென்றார். பரிசுக் கோப்பையுடன் உற்சாகமாகப் போஸ் கொடுக்கிறார் ஜீவ்.






ஐரோப்பிய கோல்ப் போட்டி :

வால்டெரமா, அக். 31: ஸ்பெயின் நாட்டில் நடந்த ‘வோல்வோ மாஸ்டர்ஸ்’ ஐரோப்பிய கோல்ப் பந்தயத்தில், இந்திய வீரர் ஜீவ் மில்கா சிங் சாம்பியன் பட்டம் வென்று சாதனை படைத்தார்.

ஐரோப்பிய கோல்ப் போட்டியில் பட்டம் வெல்லும் முதல் ஆசிய வீரர் என்ற பெருமை அவருக்கு கிடைத்துள்ளது.

சாம்பியன் பட்டம் வென்ற அவருக்கு பரிசுத் தொகையாக மூன்றே முக்கால் கோடி ரூபாய் வழங்கப்பட்டது. தனிநபர் விளையாட்டில், இவ்வளவு பெரிய தொகையை வென்ற முதல் இந்தியர் இவர்தான் என்பது குறிப்பிடத்தக்கது.

இந்த வெற்றியைத் தொடர்ந்து, ஜீவ் மில்கா சிங் ஐரோப்பிய அளவில் ‘டாப் 20’ மற்றும் உலக அளவில் ‘டாப் 100’ கோல்ப் வீரர்களில் ஒருவராக இடம் பிடிப்பார் என எதிர்பார்க்கப்படுகிறது.

சமீபத்திய கோல்ப் போட்டிகளில் இந்திய வீரர்கள் சிறப்பாக செயல்பட்டு வருகின்றனர்.